ANTIQUE – Daku ang mabulig sang pagbukas sang Antique airport sa ekonomiya kag turismo sang probinsya.
Ini ang pahayag ni governor Rhodora Cadiao kasunod sang natalana nga inaugural flight sang Philippine Airlines sa Antique airpot sa Disyembre 15.
Suno kay Cadiao, ang Antique malapit lang sa Iloilo kag Kalibo, madamo man ipabugal apang daw kaangay nga malayo sa tawo bangod wala sang kaugalingon nga pasilidad kaangay sang airport kag iban pa.
Sa Western Visayas, magluwas sa Boracay sa Kalibo, Iloilo kag Guimaras madamo man sang mapabugal ang Antique sa patag sang turismo nga wala pa madiskubrehan sang iban.
Sa pagbukas sang Antique airport, mangin pala-agyan man ini suno kay Cadiao agud magtin-ad ang sektor sang agrikultura sa probinsya.
Plano man ni Cadiao nga hatagan sang igtalupangod ang tuna highway sa Antique nga isa man sa mahimo ipabugal sang probinsya.
Photo via *Flord Nicson J. Calawag* <www.facebook.com/fcalawag?__tn__=%2Cd%2AF%2AF-R&eid=ARAzD30phpmaYozATXufz3eRF77l1k7RYYv1HMZSPqCWfdkQt–gwI4Glx4QgTWmZp3JoP7M_9nqzpXV&tn-str=%2AF> FB
