Mukabat sa tunga sa billion ka pesos ang gastoon sa local nga kagamhanan alang sa tukuron nga 5 storey building kung asa mahimutang ang buhatan sa Girl Scout of the Philippines, state of the art city public library ug 52 ka mga dugang classroom nga butangan og elevator.
Matud ni Engr. Roland Pacuribot, ang City Engineer nga gihatagan lamang og us aka semana ang city public library nga mubalhin ngadto sa Boy Scout of the Philippine Building ayha sugdan ang phase 1 sa maong proyekto nga mao ang soil testing ug pile drive.
Nasayran nga gawas sa 5 storey building nga tukuron aduna usab kini basement ug rooftop, nga mahimong gamiton sa mga estudyante ug faculty sa City Central School, kinsa maoy pinaka dakong central school sa tibuok Mindanao.
Gipaniguro ni Engr. Pacuribot nga sa dili pa mahuman ang termino ni Mayor Oscar Moreno, magamit na ang maong building, nga nag balor og tunga sa billion ka pesos, gikan sa local school board.
Samtang, gitin-aw niini nga ang tukuron nga building dili magsilbi nga puli sa nasunog nga building sa City Central School.
Kini gumikan kay naghulat pa sa response ang lokal nga kagamhanan gikan sa kaulohan kay mukabat sa one billion pesos ang gasto sa subling pagtukod niini.
