Gibana-banang mokabat sa tunga sa milyon ka pesos ang damyos sa sunog nga nahitabo mga alas siete karong buntag sa Gumamela Extension, Barangay Carmen ning syudad.
Kini ang gibutyag ni SFO2 Imelda Barasan, imbestigador sa Bureau of Fire Protection o BFP.
Matud ni SFO2 Barasan nga nagsugod ang kalayo sa balay ni Monica Sevilla sa kwarto ni Juanita Bahian nga pag-umangkon sa tag-iya sa balay.
Gibana-bana usab nga mokabat sa napulo hangtud 15 ka mga balay ang nasunog.
Sa karon nagpadayon pa ang imbestigasyon sa BFP.
Alayon niini, naghangyo usab si Cagayan de Oro First District Congressman Klarex Uy ngadto sa tanang tigpaminaw sa dxCC-RMN Cagayan de Oro nga unta matabangan ang mga nasunogan nga atbang ra sa ilang balay.
By: RadyoMaN Annaliza Amontos-Reyes
PC: RadyoMaN Lovelyrose Sambaan
