Tunga sa milyon nga kantidad sa mga illegal nga pabuto, gikumpiska sa CdeO

Gibana-banang mokabat sa tunga sa milyon ka pesos nga illegal nga mga pabuto ang gikumpiska sa mga otoridad sa Cagayan de Oro.

Kini human gihimo sa Task Force Firecrackers ang monitoring ug inspection sa mga nagbaligya sa mga firecrackers ug pyrotechnic devices sa Rotonda, Barangay Nazareth karong adlawa.

Lakip sa mga nakumpiska mao ang 30 packs sa 2,000 rounds nga judas belt o sawa ug lain-laing firecrackers ug pyrotechnics devices nga niabot sa 64 boxes.

Ang maong mga firecrackers ug pyrotechnics devices, walay Philippine Standard o PS Mark.