Tungod sa 100 pesos, mag utod gin pang buno sang ila upod sa ilimnan sa Molo.

Confine karon sa Western Visayas Medical Center ang mag utod matapos gin buno sang suspek nga ila gin hagad nga mag shot sa kilid sang dalan.
Ang mga biktima ang ginkilala sa kanday Mark Anthony Benedicto, 36 anyos kasado, isa ka traffic aide, may pila sang pagka buno sa tyan kag si Hector Benedicto, 40 anyos, isa ka tricycle driver kag may igo sang pagkabuno sa kilid.
Ang suspek ang gin kilala sa kay Allan Abella, 33 anyos kag residente sang Rizal Pala Pala zone 2.
Base sa pag pangusisa sang kapulisan nga nag labay ang suspek sa gina imnan sang mga biktima kag gin agda ini sya nga mag shot.
Nag upod inom ang suspek sa mga biktima kag nag amot 100 pesos para idugang bakal sang ilimnon.
Pila ka minutos ang nag ligad, gin pangita sang suspek ang ilimnon kag nag sabat ang mga biktima nga amu na ina ang ilimnon nga ila gina tagay apang wala mag pati ang suspek.
Nag tindog ini kag nag gabot sang kutsilyo kag gin pang buno ang kaupod sa ilimnan.
Gilayon man ini nadakpan sang kapulisan kag preso na karun sa Molo Police Station.

Facebook Comments