Gikustodiya na karon sa Mambajao Municipal Police Station sa Camiguin province ang 46 anyos nga si Albert Mangmang, kinsa nasikop sa kapolisan gumikan sa illegal nga pagpataya sa swertres.
Nasikop ang suspek niadtong Mierkoles sa buntag sa Sitio Puting Balas, Brgy. Tupsan, Mambajao, Camiguin pinasikad sa search warrant nga giisyu ni Hon. Mirabeus Undalok sa RTC, Branch 43 sa Gingoog City, gumikan sa kasong pagsupak sa Republic Act 10591.
Ang pagkasikop kang Mangmang pinaagi sa gihimong Oplan Omega ug Oplan Roullete sa Misamis Oriental C-I-D-G, inabagan sa Mambajao Municipal Police Station kauban ang Station 2 ug Camiguin Provincial Police Office.
Nakuha gikan sa suspek ang 23 ka mga illegal swertres tally sheets, tulo ka celfon, tulo ka ballpen, usa ka calculator ug usa ka plastic basket.
