Koronadal, South Cotabato—Samdan ang usa ka preso sa South Cotabato Rehabilitation and Detention Center human kining gidunggab sa susama niining preso gamit ang improvised ice pick, pasado alas 8:00 kagahapon sa buntag, Disyembre 7, 2020.
Giila ni South Cotabato Rehabilitation Center OIC Warden Felicito Gumapac ang biktima nga si Gerry Tuason, may kasong kalapasan sa RA 9165 samtang ang suspek giilang si Ryan Paquerda, may kasong robbery with homecide.
Matud kang Gumapac subay sa ilang inisyal nga imbestigasyon ugat hinungdan sa krimen mao matud pa ang pato nga gi-ihaw sa suspek nga si Paquerda nga gipanag-iyahan sa ilang grupo alang unta sa ilang christmas party. Gisita matud pa kini sa biktima apan nasuko ang suspek mao nga iya kining gidunggab.
Nakaangkon ug samad sa iyang dunggan ang biktima kansa gipailawom na karon sa medikasyon ug anaa na sa luwas nga kahimtang.
Samtang matud pa kang OIC Warden Gumapac ang suspek gibutang sa single cell ug gihuwat nalang ang desisyon sa biktima kung iya ba kining pasakaan ug kaso .
