Patay ang isa ka asawa matapos nga lab-on sang kaugalingon nga bana pasado alas 10 kagab-i, Oktubre 14, 2020 sa Purok Lower Libertad, Brgy Topland, Koronadal City.
Ginkilala ang biktima kay Jailyn Lagradante Villaray, 36 –anyos kag residente sang nasambit nga lugar.
Ginlabo sang makapila ka bes sa ulo ang biktima sang bana sini nga ginkilala kay Alfredo Villaray Jr., 55 –anyos kag residente man sang nasambit nga lugar tungod sa sobra nga selos.
Nakuha naman sa crime scene ang isa ka unit sang bolo kag isa ka unit sang kitchen knife nga gingamit suno pa sang suspek sa paglabo sa iya nga asawa.
Sa subong ang suspek ang yara na sa kusotodiya sang Koronadal CPS kag ginapreparar na ang kaso nga Parricide nga ipasaka batok sa suspek nga bana.
Facebook Comments
