Tungod sa Tong Its driver sa Bachelor miunay luba sa iyang kauban
Misangpot sa pagpandunggab ang pagsugal ug tong-it sa duha ka mga drivers sa Bachelor Bus Company diin kritikal ang biktima nga gitambalan sa Butuan Doctors Hospital.
Giila ang biktima nga si Raymond Tumanan, 37 anyos, ulitawo, residenti sa Purok 2A, Brgy. 19, Gingoog city, Misamis Oriental samtang ang suspek giila usab nga si Geraldo Padria, 48 anyos, minyu ug residenti sa Brgy. Lantang, Valencia, Bohol – kinsa and duha parehung drivers sa Bachelor Bus Company.
Migawas sa imbistigasyon nga bandang alas 10:30 ang takna sa buntag nagdula ang duha ug tong-its sulod sa compound sa Bachelor Bus sa JC Aquino Avenue, Brgy. Bayanihan ning dakbayan sa Butuan apan misangpot hinoon kini sa init nga away ug kalit lang mikuha ug kutsilyo ang suspek dayo’g duslak sa biktima.
Duha ka samad dinunggaban sa dughan ang nahiagoman sa biktima hinungdan nga dali kining gidala sa Butuan Doctors Hospital aron patambalan kinsa giingong kritikal ang iyang kahimtang sa karon.
Dali ra usab nga nadakpan ang suspek ug gibalhog na sa karsel sa Police Station 3 ug gihikay na ang tukmanag kaso nga ipasaka batok sa suspetsado. [image: tong its.jpg]
