*General Santos City—— Hugot nga gipanghimakak ni Tupi Mayor Reynaldo Tamayo ang sumala pa presensya sa terorsitang Abu Sayyaf sa iyahang ginsakupan.*
*Sumala niya nga ang mga nakit-ang armadong grupo sa Tupi ang posibleng mga miyembro sa rebeldeng New People’s Army kon NPA nga igo lang nga mitabok gikan sa probinsya sa Sarangani padulong sa Columbio, Sultan Kudarat.*
*Kung asa ginahimo matud pa nga dalan sa maong grupo ang munisipyo sa Tupi, aron nga makabot sa probisnya sa Sultan Kudarat.*
*Pag-angkon ni Mayor Tamayo nga adunay balay nga gipasilungan ang rebeldeng grupo gumikan sa kusog nga bundak sa ulan, apan walay report nga sila gi-hostage, wala man usba ni usa ka miyembro sa pamilya ang gipasakitan.*
*Saysay sa wala gihinganlang pamilya nga human sa ulan, giayon nga mipahawa ang rebeldng grupo.*
*Giawhag man usba niini ang katawhan hilabi na ang netizen, nga dili magpasagad sa pagpost ug mga report nga walay kamatuuran gumikan makahatag lang kini ug kaalarma sa katawhan ug makaapekto usab kini sa turismo, dil lang sa munisipyo kundili lakip na sa probinsa sa South Cotabato.*
*Apan, usa sa mga positibong butang nga iyahang nakit-an, mao ang pagpakabana sa katawhan sa tupi sa unsa mang mga butang nga ilahang makit-an, kini matud pa ang resulta sa ilahang mas gipakusgan nga pakig-alayon sa katawhan.*
*gani, kaniadto, adunay mga susamang panghitabo, apan wala silay rekasyon nga nakuha gikan sa mga residente sa lugar.*
*Paniguro man usab ni mayor Tamayo nga mas luwas ang munisipy sa tupi karon kung itandi kaniadto gumikan na usab sa pagpakabana s akatawhan ug mas hugot nga pagbantay sa kapulisan ug militar sa lugar. (LORE MAE V. ROMUALDO)*
