Gipalambo pa ang turismo sa probinsya sa Bukidnon.
Sa interview sa RMN Malaybalay ngadto kang 2nd Disctrict Board Member Nemesio Jun Beltran ang majority floor leader sa Sangguniang Panlalawigan gibutyag niini nga ang Kaamulan festival maoy nagsilbing main attraction sa turismo sa lalawigan.
Matud ni Beltran nga gawas pa niini adunay mga nagkadaiyang tourist spot usab ang mga tagsa-tagsa ka kalungsuran sama sa Manolo Fortich – ang Dahilayan Adventure Park, Quezon – ang Overview ug Blue Water, ang mga resort sa Maramag, mga ridge sa Impasug-ong, Lake Apo sa Valencia City ug eco-tourism park sa San Fernando.
Gidugang niini nga ila nang gihimoan ug ordinansa ang Capitol Park nga himoong kabahin na sa Kaamulan Park gikan sa Capitol ground hangtod sa ubos nga bahin niini apil na ang Zoo nga laumang e-open na sa publiko sa dili madugay.
