Gipahayag sa 88th Infantry Battalion kon 88th IB, PA nga nagkahinay na ang kalihukan sa New Peoples Army nga ilawom sa Guerilla Front committee 6.
Sa interview sa RMN Malaybalay ngadto kang Lt. Col. Randy Remonte, ang commanding officer sa 88th IB gibutyag niini nga gipahinay sa AFP ang mga NPA pinaagi sa community support program kon CSP.
Gilusad ang CSP sulod na sa unom ka bulan nga naghatag ug naghatod sa mga nag-unang serbisyo sa mga lagyong lugar.
Matud ni Col. Remonte nga nibalik na ang suporta sa pipila ka mga tawo ngadto sa gobyerno nga kanhi nisuporta sa walhong pundok hinungdan nga nagbungkag na matud pa ang Guerilla 6.
Gidugang sa opisyal nga dili na makahimo pa ug tactical offensive ang maong grupo bugtong lang mahimo sa mao nga grupo mao ang paglabay ug granada ug pagpatay sa mga sundalo nga nag-inusara.
