Padayong nanawagan ang chairman sa Turismo nga si Konsehal Jay Roa Pascual sa mga turista nga mobisita sa Ginama Pasalubong Center sa Gaston Park.
Ang Ginama Pasalubong center abli matag adlaw sugod alas sais sa buntag hangtod alas sais sa gabii.
Dinhi makita ang mga produktong lokal gikan sa nagkadaiyang barangay sa dakbayan sama sa coco sugar sa Macasandig, chilli garlic paste sa Carmen, laing o ginataang dahon sa gabi sa Balulang, cashew nuts sa Lumbia ug uban pang klaseng mga pagkaon nga mahimong pangregalo o pampasalubong sa pamilya ug mga higala.
Makita usab sa Ginama pasalubong center ang mga Crafts nga gihimo sa mga Kagay-anon.
Kini alayon sa nagsingabot nga kapistahan ni Sr. San Agustin sa petsa 28 ning bulana ug gituyo ang pag-display sa mga produktong local aron matabangan ang mga mamaligyaay.
