Sa interview sa RMN Malaybalay ngadto kang Atty. Alele Ramirez, Provincial Election Supervisor sa COMELEC-Bukidnon, gibutyag niya nga sugod adtong Disyembre 12, sa nakalabayng tuig, gamay ra ang mga mianha sa buhatan alang sa pagparehistro sa umaabot Barangay elections.
Sumala pa ni Atty. Ramirez nga mi-reachout na ang mga election officer ngadto sa mga barangay aron nga makapatabang nga maparehistro ang mga katawhan niini.
Gikalipay usab nga kasagaran sa mga nagparehistro ang mga kabatan-onan.
Makatala lang sumala pa og 300 ka mga marehistro kada adlaw sa tibook probinsya sa Bukidnon.
Target matud pa sa buhatan ang 5% registrants sa tibook probinsya kung asa gikinahanglan maabot ang 50,000 ka mga marehistro nga botante sa umaabot eleksyon.
Maong pag-aghat niya sa katawhan nga magparehistro na tungod kay layo pa ang buhatan sa target ug aron nga malikayan ang pagdasok sa COMELEC pila ka adlaw sa dili pa mahuman ang pagpangrehistro sa Enero 31.
