Mataas ang turn-out sang mga estudyante nga nagsulod sa pormal nga pag-umpisa sang klase kahapon nga adlaw sa tanan nga mga pampubliko nga eskwelahan sa idalom sang South Cotabato Division Office.
Suno kay South Cotabato Schools Division Supt. Isagani dela Cruz nagalab-ot sa 75 porsyento sang mga estudyante ang nagsulod na sa klase kahapon kag ginalauman nila nga magtaas pa gid ini subong kag sa masunod nga inadlaw.
May-angot sini, iya ginaawhag ang tanan nga mga estudyante sa probinsya nga magsulod na sa klase agud nga wala sang mamiss nga lesson.
Ginkumpirmar man ni Sir Dela Cruz nga indi naman madamo ang nagapaenrol pa sa una nga adlaw sang klase.
Samtang ginpahayag niya man nga wala gid man sang malala nga problema nga naencounter sa una nga adlaw sang klase partikular na sa kakulangan sang classrooms kag mga manunudlo.
Sa subong nagapadayon ang monitoring sang division sa pagbukas sang klase sa tanan nga pampubliko nga eskwelahan sa probinsya.
