Tatlo ka mga estudyante pilason matapos nga matumbahan sang puno sang kahoy sa banwa sang Lake Sebu.

Pilason ang tatlo ka mga estudyante sa imbukada sang pag-abri sang klase matapos mabagsakan sang natumba nga puno sang kahoy sa ginasilongan sini nga covered pathway sa gwa sang Lake Sebu National High School sa banwa sang Lake Sebu.
Ginkilala ang isa sa mga biktima nga si Albert Datal Timbang, 12-anyos nga nakaangkon suno pa sang malala nga pilas sa ulo nga gindala sa South Cotabato Provincial Hospital dire sa syudad sang Koronadal.
Nakaangkon naman sang minor injuries ang duha ka mga estudyante nga upod ni Timbang nga lunsay mga babaye nga nagaedad sang 12-anyos kag 16-anyos nga gindala naman sa Lake Sebu Emergency Hospital.
Suno kay Lake Sebu MDRRM Action Officer Roberto Bagong ang mga biktima ang nagapasilong lang sa covered pathway sang matumba ang puno sang kahoy tungod sa mabaskog nga hangin nga may dala nga ulan kahapon sang udto sa nasambit nga banwa.
May-angot sini advice sini nga kon may-yara sang kahoy ang ginapasilongan maghalong kag mangin alerto.