Davao City – Gipabantayan karon og igong gidaghanon sa mga pulis ang palibot sa UCCP Haran sa may Fr. Selga Street aron pagseguro nga luwas sa kasamok ang maong kontrobersyal nga pasilidad.
Gitataw karon ni Public Safety and Security Command Center (PSSCC) chief Angel Sumagaysay nga tumong ug tuyo ning maong katikaran mao nga masegurong wala nay muulbong kasamok pa sa nasangpit nga lugar.
Hugot usab nga gibarugan ni Sumagaysay nga walay harrassment nga gihimo ang kapulisan ngadto sa mga taga-Haran ug mga IPs nga nanimuyo karon sulod sa Haran evacuation center.
Sa gikatakdang diyalogo, ang mga tribal leaders sa pagpanguna ni Manobo chieftain Datu Guibang Apoga, tribal leader sa Langilan-Manobo tribe uban ang Haran officials nipasalig nga dili manghilabot ang mga awtoridad sa diskusyon apan preparado sila sa higayon nga moulbo ang kasamok ug kaguliyang.
RadyoMaN Aimee Guinita
