Ugangan gitigbas patay sa iyang umagad

19
Accident or crime scene cordon tape, police line do not cross. It is nighttime, emergency lights of police cars flashing blue, red and white in the background

Glan, Sarangani Province—Patay ang ugangan human kining gitigbas sa iyang umagad didto sa may Purok Miasong Bawi, Barangay Tango, Glan, Sarangani Province.

Giila ang biktima nga si Maximo Abnaway, 45 anyos, mag-uuma ug residente sa maong lugar. Samtang ang suspek giilang si Norman Cania Diamola, 27, mag-uuma, residente sa susamang lugar.


Una nang nahidangat sa Glan Municipal Police Station si Barangay Tango Kapitan Silvano Dapidran aron iturn-over sa ilang buhatan ang suspek human kining misurender human niyang napatay ang iyang ugangan.

Segun sa kapulisan giangkon sa suspek nga siya ang nitigbas patay sa biktima gamit ang sundang o mas naila sa tawag nga “Panakaay ” nga nahitabo alas 9:00 ang takna sa gabie didto mismo sa ilang lugar.

Nagkabingkil matud pa ang duruha nga hinungdan sa pagpanigbas nga miresulta usab sa kamatayon sa biktima human kining nakaangkon ug samad tinigbasan sa nagkadaiyang parte sa lawas.

Sa karon ang suspek anaa pa sa kustodiya sa Glan PNP .

Facebook Comments