Kapitan sang Barangay Estefania syudad sang Bacolod indi sigurado kun NPA gid man ang nagapangilkil kag nagapahog sa iya

20

Indi masigurado ni Punong Barangay Jerry Tingson kun matuod gid man nga miembro sang New People’s Army (NPA) ang nagapangayo sa iya sang kwarta kag nagapahog nga patyon siya.

Sa interview sang DYHB kay Kapitan Tingson, ginpahayag sini nga mga apat na ka adlaw ang nakaligad sang gin-text kag gintawgan ini sang nagpakilala NPA kag nagapangayo sa iya sang kwarta kag nagpahog pa nga patyon siya kun indi maghatag.


Indi mapat-od ni Tingson kun NPA gid man ang mga nagapangilkil sa iya, kag posible suno sa iya nga kahimuan man ini sang mga nagakontra sa iya ukon mga grupo nga may malain gid nga tuyo. Apisar sini, wala nagahatag kumpyansa si Tingson. Samtang, ginbuyagyag man ni Kapitan Tingson nga tatlo katuig na ang nakaligad, nakabaton man siya sang pareho nga pamahog.

Ginapasiguro lamang sang opisyal nga wala siya sang atraso sa NPA, kag napa-blotter naman niya ang insidente.

[image: image.png]

Facebook Comments