Sa report sa Digos City Police Station (PS), ang biktima nailang si Hector Samillano, 33 anyos, minyo, ug laborer. Samtang ang suspek mao si Jason Viajedor, 26 anyos, puros residente sa maong lugar.
Sa interbyu sa DXDC RMN Davao kang Police Staff Sergeant Eddie Evangelista, imbestigador sa Digos City PS, gisaysay niini nga nagkalalis ang suspek ug iyang live in partner nga si Menchie Samillano, step daughter sa biktima, apan human nga iyang giuwang ang duha sa iyang ugangan, kalit na lamang nga nanunggab ang suspek gamit ang usa ka bladed weapon tumong sa tiyan sa biktima nga daling gidala sa Davao Del Sur Provincial (DSPH) Hospital.
Matud sa pulis, hubog usab ang biktima ug suspek sa dihang nahitabo ang insidente ug posibleng dili intensyonal ang pagpanunggab.
“Mura’g ni-attemp og pacify ‘tong biktima unya wala damha nahinaykan sa suspek kay abi niya’g laing tao pud ba nga naglabot-labot sa ilahang away magtiayon,” saysay sa imbestigador.
Sa pagkakaron, plano sa biktima nga dili na lamang ipadayon ang kaso ug magbaton na lamang og panagsabot labi na nga kabanay ra usab ang involved sa insidente.
RadyoMaN Kirby Manzon
