SIPALAY CITY, NEGROS OCCIDENTAL – Natigayon nga madakpan sang mga utoridad ang isa ka pick-up carry nga salakyan nga may karga kapin 20 ka saku sang uling sa Hacienda Mabuhay, Brgy. Gil Montilla, Sipalay City.
Ang amo nga salakyan ang ginamaneho ni Ariel Lagalagot, 53 anyos ang edad, pumuluyo sang Jose Miguel Village, Brgy. San Jose, ciudad sang Sipalay.
Sa check point nga ginpatigayon sang Sipalay Police Station kag sang DENR pinaagi sa Environment and Natural Resources Office sa Sipalay, gindakup ang pick up nga naga-karga uling bangud wala sang may ginpakita nga permit halin sa DENR ang driver.
Sa karon naka impound na ang salakyan kag ang uling sa talatapan sang ENRO samtang ginapreparar ang kaso nga violation sang PD 705 ukon Forestry Reform Code of the Philippines nga igapasaka batuk kay Lagalagot./dyHB BACOLOD
