Davao City – Patay na naabtan sa mga ginikanan ang usa ka 27 anyos nga lalake human naghikog sulod sa iyang kwarto sa ilang panimay sa Plain View Subdivision, Sasa pasado 11:00 kagabii.
Giila ni PO2 Darry Deparacco sa Sasa Pnp ang biktima nga si Ronnie Bingil Jr., 27 anyos, ulitawo, estudyante kinsa gideklara nga patay na sa medic team sa central 911 dihang gihiling ang biktima kagabii.
Sumala sa mga ginikanan nga sila Judith ug Richard Labajo nga napugos sila og sulod sa kwarto sa biktima dihang wala nangabli ug kisaw sa lawak dihang ilang gisangpit si Ronnie.
Sigun ni Richard, pagsulod nila maoy misugot kanila nga nagbitay na ang biktima gamit ang nylon nga gi-tali sa double-deck ug wala na’y kinabuhi.
Dili pa masuta sa kapulisan ang hinungdan sa pagpakamatay sa biktima sanglit walay gibilin nga suicide note si Ronnie una pa kini nagkutlo sa kinabuhi.
Gidala na sa Saint Peter Funeral Parlor sa may Panacan ang patay’ng lawas ni Ronnie aron ipa-otopsiya sa kapulisan.
Kasamang Joel Viray
