Dapitan City, Zamboanga del Norte – Nagmahay karon sulod sa prisohan ang usa ka ulitawo human nadakpan sa polis entrapment operasyon dihang ang napunitan niining mahalon nga cell phone, inay iuli, gipalukat naman hinuon sa tag-iya, didto sa barangay Minaog sakop ning dakbayan sa dipolog.
Giila ang dinakpan nga si Daryl Real Bandiala, 28 anyos nga taga sitio tambak, barangay minaog, ning dakbayan sa dipolog.
Sa nahipos nga kasayuran gikan sa dapitan city police station nga mga alas 7:03 sa niaging gabii usa ka Yvonne Gahisan Nee Legorio, 25 anyos, dalaga nga taga barangay. Linabo, sakop sa dakbayan sa dapitan nagpablater dihang iyang mahalon nga cell phone oppo, nahanaw diha sa iyang posisyon.
Sa dihang iyang gisulayan pagkontak gamit ang lain na cell phone, gitubag kini sa maong ulitawo kon diin nidemand ug kwarta sa dalaga, bugti sa napunitan nga cell phone.
Ang dalaga nagpatabang gilayon sa dapitan pnp, dihang gipangayoan sa ulitawo sa katantidad nga 3mil ka pesos aron mabalik kaniya ang maong gadget.
Didto na nakigkutay ang kapolisan sa dapitan ngadto sa dipolog pnp ug gilusad ang hiniusang entrapment operasyon sa may barangay minaog sigun sa nasabutan.
Mga alas 10:30 sa butag, dihang gidawat sa ulitawo ang mark money gikan sa dalaga, deretsong kining giambakan sa operatiba ug giarresto.
Nabawi sa posisyon niini ang kwarta 3mil ka pesos nga maoy gihimong mark money, celphone sa dalaga lakip na ang single motor nga xrm nga maoy gisakyan sa illegal nga transaksyon.
Sa karon gipriso na sa dapitan city police station ang nasagmuyo ulitawo ug sumala pa sa kapolisan ila nang gipasaka ngadto sa korte ang reklamong extortion.(r.m.m)
