Davao City – Sikop ang usa ka ulitawo human kini naharang sa checkpoint sa may Toril District ning syudad nga gipangunahan ni Cpll Jemar Sagsagat ug PO1 Allen Jason Mabano.
Suspek mao si Jamco Bacolod, 40 anyos, nga taga-B25 Barangay 22-C Piapi Boulevard, Davao City.
Sumala sa report sa Task Force Davao, nakasakay ang dinakpan sa taxi gikan Bansalan Davao del Sur ug nagdumili kini sa pag abli sa iyang bag sa dihang gipanaog kini aron sa pag inspect sa backpack niini.
Nakuha sa dinakpan ang usa ka improvised glass tube tooter ug usa ka gamay nga sachet nga gituohang shabu nga adunay gibug-aton nga 1.21 grams nga mukantidad og 11,000 pesos.
Ang mga nakumpiska nga drug paraphernalia ug droga anaa na sa kustodiya sa Toril PNP samtang mag atubang og kasong kalapasan sa RA 9165 kon Comprehensive Dangerous Drugs Act of 2002 ang suspek.
RadyoMaN Abi Bibera
