Ulitawo nga duolonon og babaye gikulata

Davao city – Nabalot og bun-og ang lawas ug nagkadugo sa ulo ang usa ka ulitawo human gikulata ug gibunalan og botilya sa wala nganli nga suspetado kinsa nanelos kaniya.

Nahitabo ang pagpangulata sa may Malabog, sakop sa Paquibato District ning siyudad 12:00 sa tungang kagabhion.

Daling gidala sa Southern Philippines Medical Center ang biktima nga si Rimjun Medequillo, 24 anyos kinsa nagpuyo sa maong dapit.


Subay sa istorya sa kauban sa maong biktima, pauli na si Medequillo dihang kalit gibabagan sa suspek ang dalan niini ug wa’y daghang yamar gipaulanan og kinumo ug sipa si Rimjun ug dili paigo gibunalan pa kini og botilya.

Nasayran nga nagselos matud pa ang suspek kang Rimjun kay duolunon kini og chicks maong gikulata ang biktima nga padayon pang giatiman sa ospital.

RadyoMaN Joel Viray

Facebook Comments