Nagtingkagol na sa bilanggoan sa Gingoog City Police Station ang lalakeng wanted sa kasong pagpanglugos sulod sa pito ka higayon.
Suspek mao si Jonathan Ebangcara Buhawi, 26 anyos, ulitawo kinsa nag-atubang sa criminal case No. 2018-7383 ug 2018-7389 nga gi-isyu nilang Hon. Mirabeaus Undalok, ang presiding Judge sa RTC-10 Branch 43 ug Hon. Giovanni Alfred Navarro, ang presiding judge sa RTC-10 Branch 27 sa Gingoog City.
Si Buhawi nagpuyo sa P-2, North Poblacion, Don Carlos, Bukidnon ug sa P-5, Barangay Talisay, Gingoog City, Misamis Oriental.
Nadakpan si Buhawi mga ala-una kagahapon sa hapon sa iyang pinuy-anan sa P-2, North Poblacion, Don Carlos, Bukidnon pinaagi sa hiniusang pwersa sa Gingoog PNP nga giunhan ni Officer in Charge Police Lt. Col. Ariel Philip Pontillas ug sa Don Carlos Municipal police station sa pagpangulo ni Police Major Carlito Ravelo Chua.
Suspek ang nagtingkagol na karon sa Gingoog Police Station alang sa documentation.
