Umento sa sahod ng mga kawani ng gobyerno, matatanggap na!

Good news!

Maari nang matanggap ngayong buwan ang dagdag na sahod ng mahigit isang milyong kawani ng gobyerno.

Ito ay mula kay Pangulong Rodrigo Duterte hanggang sa nagtatrabahong janitor o clerk.


Ang umento sa sahod ay ika-apat at huling annual installment sa ilalim ng four-year pay adjustment program na nakapaloob sa Executive Order no. 201 na nilagdaan ni dating Pangulong Noynoy Aquino noong February 19, 2016.

Tiniyak naman ni Budget Secretary Benjamin Diokno – na mailalabas ang kakailanganing pondo para sa taas-sahod.

Sa ilalim ng E.O. ni dating Pangulong Aquino, ang mga cabinet officials, senador at kongresista ay makatatanggap na increase na ₱72,000 sa kanilang buwanang sahod, mula sa ₱223,590 ay magiging ₱295,191.

Ang sahod ni Pangulong Duterte ay tataas ng ₱102,000, mula sa ₱298,083 ay magiging ₱399,739.

Sa mga pinakamababang pinasasahurang empleyado ng pamahalaan naman ay may ₱1,000 increase, mula sa ₱10,050 ay magiging ₱11,068 hanggang ₱11,732 depende sa kung gaano kahaba nang nagsilbi sa gobyerno ang empleyado.

Facebook Comments