SSS, NAG-ABISO NGA MALANGAN PA ANG PAGPROSESO SA UNIFIED MULTI-PURPOSE IDENTIFICATION CARDS
Nag-abiso ang Social Security System (SSS) sa publiko labot sa pagkalangan sa pagproseso sa Unified Multi-Purpose Identification cards tungod sa malfunctioning sa Central Verification System (CVS).
Nagpagawas na ug joint advisory ang UMID consortium sa Government Service Insurance System (GSIS), Philippine Health Insurance Corporation (PhilHealth), Philippine Statistics Authority (PSA) ug SSS.
Buwan pa sa Agosto, 2019, dihang nakasinati ug intermittent downtime ang CVS gumikan kay dili mogana ang “biometric uniqueness match operation” system niini.
Maong ang tanang UMID card applications nga gisubmite sa GSIS ug SSS gikan October 2019 hangtud March 2020 ang dili pa mahimong iproseso ug ipagawas samtang pending pa ang resolusyon sa technical problem.
