Nangin malinong kag matawhay ang una nga gab-i sang pagpatigayon sang curfew for all sa ciudad sang Bacolod.
Ini ang ginpahayag ni Bacolod City Police Office (BCPO) PIO Col. Ariel Pico base sa ila assessment sa implementation sa curfew nga naga sugod las 10 sa gab-i tubtub las 4 sang kaagahon.
Suno kay Pico nga wala sang may na-record nga resistance apang may nabaton naman sila nga reklamo halin sa pila ka concerned citizen angut sa padayon nga operasyon sang piso net sa ila area kag ini ang gilayon nila nga hatagan sang pagtamod.
Sa bahin naman sang padayon nga pagduging sang mga Badjao sa pila ka dalanon sang Bacolod partikular sang mga kabataan, ginsiling ni Pico nga ini ang iya igapalab-ot sa meeting nga patigayunon sang Inter-Agency Task Force on Coronavirus disease para sa ila rekomendasyon.
Angut sini, ginpasiguro ni Pico nga yara karon sa full alert status ang kapulisan para sa pagpakig-away batuk sini nga krisis.
[image: image.png]
