General Santos City— Gidugok sa katawhan ang unang adlaw sa pagparehistro karong adlawa, Hulyo 2 Kini ang gibutyag ni Atty. April Miguel, election officer sa COMELEC Gensan.
Sumala niya nga usa ka maayong indikasyon ang maong ihap sa mga nagpa-rehistro gumikan nagpasabot lang matud pa kini nga daghan ang gustong mupartisipar sa umaabot nga piniliay sunod tuig.
Iyaha sab gilauman nga magpadayon ang pagdugok sa katawhan dili lang sa unang adlaw sa pagparehistro aron malikayan ang pagdasok sa uwaheng adlaw sa pagrehistro.
Dugang pamahayag ni Atty. Miguel nga ang pagparehistro karon ang mulungtad lang ug tulo kabulan nga matapos sa Setyembre 29.
Kung asa gikan sa adlaw’ng Lunes hangtud adlaw;ng Sabado abli ang ilahang buhatag gikan alas 8 sa buntag ngadto na alas 5 sa hapon lakip ang mga holiday.
Human ang duha ka semanang pagdawat ug mga magparehistro sa ilahang buhatan, nakatakda silang magpahigayon ug sattelite registration sa mga barangay lakip na sa mga mall.
