General Santos City— Nagmalampuson ang unang adlaw sa Budayaw festival nga nagsugod kagahapong adlawa nga gitambungan sa mga tag-as nga opisyal sa upat ka mga nasud nga mao ang Brunei, Indonesia, Malaysia ug Pilipinas.
Gipangunahan ni Gensan City Mayor Ronnel Rivera ang maong aktibidad uban si Michelle Solon ang kapikas ni Saragani Governor Steve Solon.
Kaabag sa dakbayan sa paghupot sa pinaka-unang Budayaw mao ang National Commission for Culture and the Arts, National Commission for Muslim Mindanao, Mindanao State University, Department of Tourism 12, Mindanao Development 12.
Usa usab sa mga nahimong bisita mao ang iladong singer nga si Joey Ayala nga mihatag ug kanta atubangan sa mga delegado.
Gawas sa mga aktibidad sa Greenleaf, aduna usab mga aktibidad nga gipahigayon sa usa sa mga dakong mall ning dakbayan kung asa adunay mga exhibit nga gipahigayon ang managlahing tribu sama sa Blaan, Manobo, T’boli ug uban pa.
