Malinawon ug walay mga natalang insidente sa unang adlaw sa campaign period sa mga local candidates.
Kini ang gibutyag ni Lt. Col. Surki Sereñas- ang Spokesperson sa PNP region ten.
Matud ni Lt. Col. Sereñas nga gawas sa campaign period, gikalipay usab ni Police Brigadier General Timoteo Pacleb, ang Regional Director sa PNP region ten nga walay dagkong hitabo atol sa paghandum, sa ika-50 ka tuig nga anibersaryo sa New Peoples Army kon NPA.
Nasayran nga sugod sa Enero 19 hangtud Marso 30 ning tuiga, moabot na sa 112 ka nagkalain-laing mga armas ang narekober, dos mil ka ammunitions, 46 ka voluntary surrenders, 24 ka mga explosives, ug 112 ka mga arrested persons.
Samtang ubay-ubay na ang mga accomplishment sa kapolisan ning rehiyon atol sa ginahimong mga checkpoint.
Matud ni Lt. Col. Surki Sereñas ang Spokesperson sa PNP region ten nga sa 112 nila ka arrested persons, ilang gikasubo nga adunay tulo niini nga mga aktibong polis ning rehiyon apil na niini katong polis nga naglasong sa usa ka spa.
Nagpasabot lamang nga kini nga mga datus dili lang gilangkuban sa mga criminal, apan lakip na mga otoridad nga nakalapas sa Comelec Gun ban.
