*General Santos City— Gikumpirma ni Dr. Rogelio Aturdido, Provincial Health Officer sa Integrated Provincial Health Office sa South Cotabato nga adunay usa ka kumpirmadong kaso sa covid-19 sa probinsya nga naggikan sa lungsod sa TBoli.*
*Sumala niya nga wala pay patient number ang nasangpit nga 53 anyos nga lalaki nga adunay travel history nga gikan sa kauluhang Maynila.*
*Pagpaklaro niya nga ang pagkumpirma niya sa positbong kaso sa South Cotabato ang pamaagi aron nga dili magkabalaka ang publiko hilabina nga nagkatag na kini sa social media.*
*Dugang pamahayag ni Dr. Aturdido nga walay angayang kabalak-an ang publiko bisan ug aduna nay usa nga nagpositbo sa covid-19 sa probinsya sa South Cotabato.*
*Gawas sa pamilya sa nasangpit, wala nay lain pang may close contact sa nahisgutang pasyente ug inay nga magkabalaka, mas maayong protektahan ang kaugalingon pinagi sa proper hygiene ug social and physical distancing.*
