MAYOR SA TBOLI, GIKLARONG WALAY DAPAT IKA-ALARMA HUMAN MATALA SA ILAHA ANG UNANG KASO SA COVID-19 SA PROBINSYA

*TBOLI, SOUTH COTABATO— Anaa na sa stable nga kondisyon ang pasyenteng nagpositbo sa covid-19 sa Tboli, South Cotabato. Kini ang gibutyag niya Mayor Dibu Tuan.*

*Saysay niya nga hinay-hinay ng nakarekober ang nahisgutang pasyente sa iyahang sakit sa baga kung asa natapos na matud pa niya ang iyahang 14 kaadlaw nga quarantine apan dihang migawas ang resulta, gipa-ilalom na usba kini sa laing 14 kaadlaw nga quarantine nga matapos sa Abril 5.*

*Samtang bisan ang kabanay niini ga gipa-ilalom sa person under monitoring ang nakatapos na usab sa 14 kaadlaw nga quarantine ug walay nakitaan ug unsa mang sintomas.*


*Dugang pamahayag ni Mayor Tuan nga walay angayang kabalak-an ug ika-alarma ang publiko bisan pa man ug adunay kaso sa COVID-19 ang ilahang lugar.*

*Nagpabilin matud pang normal ang ilahang aktibidad gawas lang sa mas hugot nga pagmonitor karon sa pasyenteng nagpositbo.*

*Pagpaklaro niya nga andam ang Tboli sa pagbatok sa COVID-19 gumikan alang kaniya nagsugod pa alang ang problema ug siya nagtuo nga magdugay pa ang krisis nga dala sa COVID-19.*

Facebook Comments