Ang Lake Danao mao ang usa sa mga dako ug limpyo nga lake sa tibuok Central Visayas. Kini nahimutang sa lungsod sa San Francisco, Cebu. Sako kini sa Isla sa Camotes ug ang tanang lungsod sa maong isla sakop sa 5th district sa sugbo.
ACTIVITIES
Sikat ang maong lake sa mga activities dinhi sama sa boating/kayaking, trekking, zorbing, fishing ug daghan pa. Anaa ni duha ka mga islets kung diin sa usa sa mga gamayng pwedeng mo-dock ug magpicture-taking. Perfect sad kaayo nga magpicnic sa ilang Lake Danao Park.
LIVELIHOOD
Ang maong lake nga nasakop sa 8 ka barangay sa maong island municipality. Lapas 300 hektarya ang gidak-on niini ug guitar-shape pud kini. Ang tubig sa maong lake maoy nahimong irrigation sa daghang rice fields sa maong lungsod.
Daghan pud nga mananagat ang nagsalig sa maong lake ug sa ka-abunda sa mga tilapia niini.
Sa maong lake pud anaay mga soli soli grass nga maong himuong banig o pitati. Ang mga banig nga ginama dinhi ilang ibaligya sa Leyte ug sa Carbon Market sa dakbayan sa sugbo.
ZIPLINE
Ug bag-o lang, early karong buwana kay nagviral ang photos ug videos nga kuha sa usa sa mga tourism officers sa maong lungsod nga si Bedong Dongz. Gikan sa usa sa mga bukid padung sa usa sa mga islet sa maong lake. Sounds exciting di ba?
HOW TO GET THERE
Naay fastcraft nga maggikan sa pier 1 ning dakbayan sa sugbo sa Lapu Lapu. Naa poy roro type nga barko sa may Danao City port.
I hope idol nga inyong mabisita ang maanindot nga isla sa Camotes. Ug tan-awa pud kung unsa ka amazing ang ilang labing una nga zipline sa maong isla. Mao kini ang atoang TRAVEL GOLS sinulat ni Dj Maikee ug Boy Kirat.
