NORTHERN SAMAR – Lilimitaran na an mga estudyante nga magpapa-enroll ha Northwest Samar State University (NWSSU) para han free tuition tungod nga han kadadamo na han nagpa-enroll ngan limitado la an budget para han implementasyon han Free Education Law.
Sumala kan NWSSU President Benjamin Pecayo, mayada la 48 million pesos nga budget an mao nga unibersidad para han free education yana nga academic year ngan diri na akos para kumarawat pa hin freshmen applicants.
Antis an implementasyon han Free Tuition Education Law, nabayad hadi an mga estudyante hin 5,000 pesos tuition fee kada semester.
An nasabi nga unibersidad in mayada 3,000 nga estudyante ha ira main campus ngan ha ira extension campus.
Dugang han opisyal, 1,200 la nga estudyante an akos nga makasulod han free tuition ha North West SSU.
Harani 6,000 nga mga freshmen an nag-apply pero diri tanan in akos nira nga maakomodar ngan kinahanglan hin mas durudako nga budget para hini.
An unibersidad in magpipili nala hin mga aplikante basi ha ira performance ha entrance examinination ngan ha interview.
