Balik na sa ilang trabaho ang unom ka mga CAFGU nga lakip sa gidis-armahan ug gidakop sa Joint Police Operation sa Criminal Investigation and Detection Group.
Kini atol sa pag-raid sa CIDG sa balay ni kanhi Claveria Mayor Redentor Salvaleon, sa barangay Malagana, Claveria, Misamis Oriental niadtong Martes sa gabi-e.
Gibutyag ni Army Capt. Leoden Bajado, ang Civil Military officer sa 58th Infantry Battalion nga nagbase sa lungsod sa Claveria, nga legal ang pagdala og armas nilang CAFGU Ritche Taquin, Ricardo Sumilla, Roger Cailing, Rammie Bacala, Ernesto Ayuman ug Joselito Cabaluna nga nagbantay sa barangay Malagana, lakip na sa balay sa pamilya Renetor.
Gipahayag usab ni Capt. Bajado nga human gidakop sa CIDG ang maong mga CAFGU, gipasabot ni Army Lt. Gile Valleser ang Batrol Base Commander sa 58th IB sa barangay Malagana, nga walay problima ang armas sa maong mga CAFGU tungod kay dokumentado kini ug kabahin sa ilang tour of Duty.
Samtang……
Managsama ang pahayag ni Bajado ug Master Sergeant Noel Oclarit nga lakip sa raiding team sa CIDG.
Matud ni Oclarit, nga ilang gi-release ang unom ka CAFGU human si Lt. Vallerser nakapakita sa mga documento sa mga armas nga ilang nakuha gikan sa maong mga CAFGU.
Gibutyag usab ni Oclarit nga wala makalikay sa kaso silang Mrs. Gertrudes ug anak nga si Reggan Salvaleon.
Dugang pa ni Oclarit, nga lakip sa ilang gipasakaan sa kaso silang Christopher ug Mario Pagara, kinsa nakuhaan sa usa ka calibre .,45 nga pistola ug KG-9 machine pistol atol sa ilang pagrunda niadtong sa Martes.
Nasayran nga gipasakaan si Gertrudes, Reagan ug ang igsoong Paraga sa kasong Illegal Possession of fire arms and Ammunition, sa Misamis Oriental Provincial Prosecutors office pinaagi sa Inquest Proceedings.
