Unom ka mga empleyado sa PLDT ang nakuryentihan mga alas 8:30 kaganihang buntag sa Sityo Iri, Balbagon, Mambajao, Camiguin.
Kini ang gikumpirmar ni Police Chief Insp. Romel Cena, Hepe sa Mambajao Municipal Police Station.
Matud ni Cena nga nagbutang og poste sa PLDT ang unom ka mga empleyado sa dihang nahitabo ang insedente.
Gigakos matud pa sa unom ka empleyado ang poste nga ila untang ibutang sa area sa dihang nabag-id kini sa live wire sa Camiguin Electric Cooperative o CAMELCO hinungdan sa pagkakuryente sa mga biktima.
Gidala pa sa ospital ang mga biktima apan namatay ang usa niini nga si Jerome Abog Moleño nga taga Cabalantian, Manticao, Misamis Oriental.
Nasa kritikal nga kahimtang si Brendo Gulane, 45 anyos ug taga Cabalantian, Manticao, Misamis Oriental.
Samtang ang upat nga anaa na sa luwas nga kahimtang mao silang:
1. Barry Faelnar nga taga Barangay Iponan, Cagayan de Oro City,
2. Renel Mansueto Lamoste, 25 anyos, taga Cabalantian, Manticao, Misamis Oriental,
3. Mario Acenas Jamito, 49 anyos nga taga Napaliran, Balingasag, Misamis Oriental ug
4. Joel Yacomba Balabat, 46 anyos nga taga Cabalantian, Manticao, Misamis Oriental.
Mahinumduman nga niadtong Mayo 29 ning tuiga, usa usab ka lineman sa CAMELCO ang nakuryentihan patay nga mao si Rhigel Casero, 34 anyos nga taga Barangay Tangaro, Catarman, Camiguin
PC: Jude Mycrayan Dela Peña
