Gikansela na sa unom ka lungsod sa Misamis Oriental ang ilang klase gumikan sa dautang kahimtang sa panahon nga nasinati sa lalawigan, gumikan sa paghapak ni bagyong Urduja nga katapusang nabantayan sa eastern Visayas region.
Matud ni Deparment of Education Misamis Oriental Schools Division Supt. Cherry Mae Limbaco, nga lakip sa apektado sa kusog nga pag-ulan ug hangin ang Initao, Talisayan, Binuangan, Claveria, Medina ug Sugbongcogon, Misamis Oriental.
Dugang pa sa maong opisyal, nga dako ang kahigayonan sa maong mga lungsod nga maigo sa flashloods ug landslide busa gitugotan kining magkanselar sa ilang mga klase.
Samtang…..
Dili na usab ikakurat ang pagdaot sa panahon, tungod kay matag Disyembre, Enero ug Pebrero gakahitabo ang ingon niining klase sa panahon.
Gumikan niini, gipapangandam ni Dr. Limbaco ang mga estudyante sa himuong mga make-up class matag Sabado sa pagsulod sa tuig 2018, kon ugaling maapektuhan ang mga klase ning tuiga.
Mahinumdoman, nga una nang nagsuspenso sa ilang mga klase ang Opol, Lagonglong ug Balingasag sa maong lalawigan gumikan sa pagsaka sa tubig baha sa poblacion area niadtong miaging adlaw.
By; Radyoman Aiza Enloran and Radyoman Ellah Baculio
