Mitingog na ang unom ka mga batang biktima sa pagpangabuso sexual sa usa ka maestro.
Unang mitingog ang nuebe (9) anyos kagahapong adlawa ug karong buntag mipadayag ang biktimang otso (8) anyos, 11 anyos ug laing tulo ka mga batang nag-edad og nuebe(9) anyos.
Ang lima ka mga bata mibutyag nga ang nag-abuso kanila mao si Sebastian Tulod nga Grade 3 Teacher sa Hagpa Elementary School sa Hagpa, Impasug-ong, Bukidnon.
Matud sa mga ginikanan sa mga biktima nga miduol kanila ang asawa sa suspek ug miluhod aron hangyoon nga dili na ipadayon ang kaso.
Una nang nabutyag sa kahanginan nga duna pay mga estudyante nga naa na karon sa high school, kolehiyo ug ang uban nangasawa na nga puros mga biktima sa pagpangabuso sa maong suspek.
Napasakaan na og upat ka kasong rape ug usa ka child abuse si Teacher Tulod ug naghulat na lamang sa warrant of arrest ang kapulisan.
Matud ni Police Sr. Insp. Jose Regner Sevilleno, Hepe sa Impasug-ong Municipal Police Station sa Bukidnon nga atimanon nila sa umaabot Lunes, Mayo 21 ang laing usa pa ka biktima nga nitingog sa dxCC-RMN Cagayan de Oro karong buntag pinaagi sa programang Straight to the Point- Kuskos Batikos ni RadyoMaN Zaldy Ocon.
