Detinado karon sa Bulua Police Station ang unom ka tawo nga sakop sa 4P’s s D-S-W- D human kini nasapong naghantak, sa may Calaan, Brgy. Canitoan ning dakbayan kagahapong adlawa.
Kini ang gipahibalo ni PO2 Rodor Sambas sa Bulua Police Station, kinsa usa sa midakop sa mga suspek.
Gibutyag ni Po2 Sambas nga ilang gisikop ang unom human sila makadawat og reklamo gikan sa usa ka concern citizen sa maong dapit, kinsa miingon nga ipangprenda lamang sa mga suspek ang ilang card sa 4P’s aron adunay kwartang magamit sa ilang pagsugal.
Gani gakasuko na ang ilang mga asawa tungod sa pagprenda sa ilang mga bana sa ilang mga 4P’s card.
Samtang naila ang unom nga mihimo sa pagsugal nga sila si Johson Bihan, 73 anyos; Ronilo Villanueva, 59 anyos nga pulos taga-Phase 1, Relocation sa Calaanan, Brgy. Canitoan ning dakbayan.
Nakuha gilkan sa mga suspek ang 80 pesos nga beat money ug playing cards nga gigamit sa maong sugal, apan nakasibat ang usa nga si Alex Laditao human kini makabantay sa mga polis.
Samtang laing grupo usab ang nasikop nga nagsugal pinaagi gihapon sa Bulua Police Station ug mga brgy. Police sa Calaanan.
Ang tulo mao silang Evelyn Morales, 60 anyos; Merlyn Salapa, 40 anyos ug Ruben Magat, 54 anyos nga pulos nagpuyo sa relocation.
Tungod niini, pasakaan ang unom sa kasong pagsupak sa Presidential Decree 1602 kon illegal Gambling Law sa adlawng Lunes ngadto sa piskalya.
