Unom ka wanted persons lakip na ang usa ka pulis, gisikop

PC: Misamis Oriental Provincial Police Office

Gisikop sa kapulisan sa Misamis Oriental ang unom ka mga wanted persons lakip na ang usa ka pulis sulod sa tulo ka adlaw gikan Oktubre 21 hangtud 23 ning tuiga.

 

Lakip sa gisikop mao ang pulis sa Binuangan Municipal Police Station nga si PO1 Jason Cailing, 31 anyos, minyo, taga Purok 2, Jampason, Jasaan, Misamis Oriental ug ang kaipon niining si Hijean Micasio, 22 anyos, dalaga ug taga Barangay 18, Gingoog City.

 

Si PO1 Cailing ug kaipon niining si Micasio ang nag-atubang sa kasong paglapas sa Republic Act 9262 o mas nailang Anti-Violence Against Women and their Children Act of 2004 nga dunay piyansa nga 144-mil pesos.


 

Ikatulong nasikop mao ang 46 anyos nga si Joseph Alsola Sr., minyo, construction worker ug taga San Pedro, Initao, Misamis Oriental.

 

Si Alsola nag-atubang sa kasong pagpangawat (theft) nga dunay piyansa nga 20-mil pesos.

 

Ika-upat mao si Forge Lumindas, 18 anyos, ulitawo ug taga Barangay 19, Gingoog City.

 

Si Lumindas nag-atubang sa kasong pagpangawat (theft) nga dunay piyansa nga 10-mil pesos.

 

Ika-lima mao si Glen Omandam, 38 anyos, minyo ug taga Purok 8, Poblacion, Manticao, Misamis Oriental.

 

Si Omandam nag-atubang sa kasong pagpangawat (qualified theft) nga dunay piyansa nga 54-mil pesos.

 

Ika-unom mao si Reymond Cajilla, 29 anyos, minyo, jeepney driver ug taga Zone 1, Sambulawan, El Salvador City nga nag-atubang sa kasong pagpalapas sa balaod trapiko.

Facebook Comments