*General Santos City— Misurender ngadto sa Joint Task Force Gensan milabayng semana ang mukabat sa unom ka mga miyembro sa Ansar Al Khilafa Philippines kon AKP.*
*Sumala kang Col. Adonis Bajao, labaw sa 1002nd brigade nga subay sa pamahayag sa mga nasangpit nga courrier lang sila kaniadto sa grupo ni Tokboy Maguid.*
*Sa karon matud pa matawag nalang nga lawless nga grupo ang mga nahisgutan gumikan wala naman silay grupo nga gisandigan apan wala matud pa sila naga-kumpynsa gumikan nauna ng nakig-alyansa ang maong grupo ngadto sa ISIS.*
*Dugang pamahayag ni Col. Bajao nga duha sa mga misurender ang anaa sa DND Arrest order number 1 ug 2. Gani ilahang gipa-agi sa saktong proseso ang mga nasangpit nga misurender.*
*Base matud pa sa gihimo nilang inisyal nga imbestigasyon, gibutyag s amga nahisgutang surrenderee mga bata pa kaayo sila dihang na-recruit ni Tokboy Maguid.*
*Saysay pa niini nga subay sa mga giluatang pamahayag sa mga nasangpit wala silay kaabutan ug kasayuran sa mga aktibidad sa AKP sa karon.*
*Kalabot niini gibutyag ni Col. Bajao nga misurender ang unom nga miyembro sa AKP gumikan sa kakapoy nga ilahang nasinatian, wala nay maayong lider sa grupo ug wala nay silay ginasaligan.*
*Lakip usab sa ilahang mga rason mao ang kahadlok human nga malakip sa arres order ang ilahang pangalan.*
*Sa karon matud pa ilaha ng gi-proseso ang mga nahisgutan gumikan aduna matud pay mga intelligence report nga nagtudlo sa mga nasangpit apan higayon nga mapamatud-an nga wala silay kalabutan, gilayon silang buhian.*
(photo from web)
