Ang Union of Peoples Lawyer in Mindanao kon U-P-L-M usa ka grupo sa mga abogado nga bolontaryong nagserbisyo nga libre aron tabangan ang mga gipang-akusahan sa gobyerno batok sa pangagamhanan nga mao ang gitawag nga political crimes.
Kini ang gibutyag ni Atty. Dale Mordeno ang Chairman sa U-P-M-L.
Matud ni Atty. Mordeno nga tungod kay walay mga abogado nga gadawat sa ingun niini nga mga kaso, hinungdan nga nagsabot ang mga abogado sa Mindanao aron pormahon ang maong grupo.
Dugang pa ni Atty. Mordeno nga tungod usab sa ilang trabaho apil nga gapasanginlan ang ilang grupo nga gasimpatiya sa mga rebelde.
Giklaro ni Mordeno nga ang red tagging kon pagtumo-tumo nga miyembro sa rebelde ang usa ka tawo, wala nalatid sa balaud sa kodigo pinal nga usa ka krimen.
Samtang nagkauyon ang grupo sa Union of Peoples Lawyer in Mindanao kon U-P-L-M uban ang ubang indibidwal nga giapang red tag nga modangop kang City Mayor Oscar Moreno ug sa konseho.
Matud ni Atty. Dale Mordeno ang Chairman sa U-P-L-M, nga kini aron mahisgutan sa konseho ug mapangitaan og pamaagi, tungod kay diri kini sa dakbayan nahitabo.
Kini usab ang hinungdan nga kagahapong adlawa, ang komitiba ni Konsehal Romeo Calizo, miaksiyun sa ilang sulat petisyon, pinaagi sa pagpasiugda og public consultation nga gitambungan sa kapolisan, militar, grupo o indibidwal nga gipang-red tag, ug uban pa.
Alayun sa maong lakang, nagpasalig matud pa si Konsehal Calizo nga aduna pay himoon nga public consultation kalabot sa maong isyu ug tun-an niini ang paghimo og pagpalagda og usa ka balaodnon, nga mao ang komitiba sa Human rights sa konseho.
Bisan og dili matawag nga krimen ang red tagging, apan dili malikayan nga ang mga hingtungdan, mobati usab og kakuyaw o kakulba.
Matud ni Atty. Dale Mordeno nga kini ilabi na sa kaso ni Cong. Corrales kinsa editor sa usa ka mantalaan nga adunay 1- billion pesos nga gipatong sa ulo.
