Dakpan sa buy bust operation sa mga otoridad sa pagpanguna sa Regional Special Investigation and Detection Team o RSIDT sa Beatiles Street Barangay South Gensan ang upat ka mga suspetsado nga nahilambigit sa illegal nga druga ug robbery hold-up. Giila ang upat nga nadakpan nga silang Ray Callo, 20 anyos, Wildan Manansala 34 anyos parehong nagpuyo sa Tupi, South Cotabato. Ikatulo si Richie Bitantos 41 anyos ug ang tag-iya sa balay nga gi-ronda nga mao si Roque Sabala 56 anyos. Sumala pa ni Police Supirentendent Maximo Sebastian, labaw sa RSIDT, nga dugay na nilang gimonitor ang mga lihok sa mga suspetsado hangtud nga kagahapong adlawa naaktuhan gyud ang mga nahisgutan.
Narekober sa mga otoridad ang duha ka armas nga 9mm ug kalibre 38 ingram ug daghang mga bala sa 12 gauge shot gun. Nakuha usab sa ilahang kustudiya ang sachet nga gituuhang shabu,,timbangan ug marked money nga P500. Sa kasmatangan ginahan-ay na ang tukmang kasong ipasang-at batok sa mga suspetsado.
