Wala pa makauli hangtud karon ang upat ka mga mangingisda. Kini human nga nanagat niadto pang Sabado sa hapon apan hangtud karon wala pa gihapon kini makauli ngadto sa ilang tagsa-tagsa ka mga pamilya.
Naila ang mga mangingisda nga “missing-in-action” silang Guillermo Magallanes, Anthony Escobido, Michael Bautista ug si Pepito Ucab, mga hingkod na ang panuigon nga pulos residenti sa Catarman, Camiguin.
Mao kini ang gibutyag ni Riza Mae Magallanes, anak sa mangingisda nga si Guillermo Magallanes sa interview sa DXCC kagabie. Matud pa ni-ini nga kasagaran sa pagpangisda sa ilang amahan ang makauli na gilayon kini pagka-ugma kon overnight lamang ang ilang pagpangisda apan dako ang ilang katingala karon nga hangtud ning pagsulat sa balita, wala pa gihapon makauli ang ilang amahan lakip na ang nasangpit nga tulo ka mga kaubanan ni-ini nga ila ra usab mga silingan sa maong dapit.
Dugang pa ni-ini nga sakay ang upat ka mga mangingisda sa yellow-green color combination nga pump boat sa ilang pagpanagat nga gipanag-iyahan ni Aguillermo Magallanes. Gikabutyag nga nangisda sila diha lamang sa lawod nga bahin sa Catarman, Camiguin.
Hinuon gi-report na ang maong insidenti ngadto sa Catarman Police ug sa Philippine Coast guard sa Camiguin apan wala pay update hangtud karong orasa.
Naglaom si Riza Mae nga makita ra ug ma-rescue ang mga mangingisda ug kinsa man ang nakakita sa maong sakayan ang i-report gilayon sa duol nga buhatan sa otoridad.
Kasama mo sa mga balita, RadyoMaN Andy Coco, DXCC Tatak RMN!
