Upat ka mga lider sa New Peoples Army o NPA ang gisikop sa mga otoridad mga alas sais kagabie sa Villanueva, Misamis Oriental.
Lakip sa gisikop mao silang Marivic Coleta, Mylene Coleta, Gerald Basahon ug Jerry Basahon.
Matud sa Misamis Oriental Provincial Police Office nga gisikop ang upat ka suspects pinaagi sa hiniusang pwersa sa Criminal Investigation and Detection Group o CIDG Region 10, Armed Forces of the Philippines, kapulisan sa Misamis Oriental ug National Intelligence Coordinating Agency.
Nasayran nga ang CIDG 10 maoy nangulo sa pagsilbi sa duha ka search warrants batok sa mga suspects tungod sa paglapas sa Republic Act kon R-A 10591 o Comprehensive Firearms and Ammunition Regulation Act ug R-A 9516 o illegal possession of explosives.
Nakuha atol sa operasyon ang mga hand grenade, land mine, caliber .45 pistol ug mga dokumento.
