General Santos City— Buluntaryong mitahan sa tropa sa militar ang upat ka mga miyermbro sa rebeldeng New People’s Army kon NPA ilalom sa Guerilla Front 71.
Sumala kang Lt. Daryll Cansancio labaw sa Alpha Company sa 73rd IB nga ang mga nasangpit ang mitahan human ang natigayong engkwentro nga gikamatay sa squad leader nga si Marmar Cawan.
Pamahayag niini nga musurender ang upat ka NPA sa mga sundalo nga naga-patrolya sa kabukiran ug napa-ilang NPA nga buot na mubalik sa sabakan sa gobyerno.
Giila ni Lt. Cansancio ang mga nasangpit nga silang alyas, Duterte, Lawin, Bayabas ug alyas Pantat nga samang mga regular nga miyembro sa kalihukan. Dala matud pa sa mga nasanpit ang tulo ka mga M16 ug usa ka Improvised Explosive Device kon IED.
Sumala ni Lt. Cansancio nga base sa pamahayag sa upat ka mga kanhing NPA, nahadlok na sila sa kabukiran human ang engkwentro gumikan sa presensya sa militar.
Dugang pamahayag ni Lt. Cansancio nga lakip sa mga nahimong rebelasyon sa upat ka mga kanhing NPA, maglisod gyud sila ug kaon sa kabukiran ug dugay na matud pa nilang buot mutahan.
Apan tungod matud pa sa sunod-sunod nga pagsurender sa mga miyembro sa NPA, mas gipahugtan sa ilahang mga tag-as nga lider ang pagbantay kanila aron masigurong dili na masundan.
Nakahigayon lang matud pa sila human ang natigayong engkwentro sa Jose Abad Santos, Davao Occidental.
