Patay ang upat ka sakop sa teroristang New Peoples Army o N-P-A ug duha ka sundalo sa engkwentro sa Sityo Green Valley, Palwangan, Malaybalay City, Bukidnon kagabie.
Nasayran nga ang mga sundalo nagpahigayon og patrol basi na usab sa taho sa komunidad nga dunay mga 30 ka teroristang N-P-A nga ilang nakita sa dapit.
Sa follow-up sa operatiba, nakuha sa mga tropa sa sundalo ang duha ka M16 riffle, duha ka unexploded anti-personnel mines nga nakakonekta sa 200 meters line electrical wire ug duha ka ammunition magazine sa M16.
Samtang, nagpaabot usab sa iyang pahasubo si Lt. Col. Sergio Marandan, Jr. ngadto sa pamilya sa namatay nga duha ka sundalo ug gimandoan ang iyang tropa nga magfocus aron mapakgang ang teroristang N-P-A pinaagi sa Community Support Program.
