Upat ka mga tawo ang namatay sa Northern Mindanao Medical Center kon NMMC sulod sa 24 oras sukad niadtong Mayo 4 hangtud sa Mayo 5.
Gipasabot ni Dr. Bernard Julius Rocha, Medical Specialist sa NMMC nga kini nga mga pasyente gidudahan nga gitakboyan sa sakit nga Influential Like Illness kon ILI ug uban pang klase sa sakit.
Lakip sa namatay ang usa ka 18 anyos nga babayeng taga Cagayan de Oro nga gitakbuyan sa complicated Urinary Tract Infection kon UTI ug High risk community acquired pneumonia.
Ang maong babaye, unang na-admit sa J.R. Borja General Hospital apan namatay human gibalhin sa NMMC tungod sa iyang komplikadong sakit.
Patay usab ang usab ang 13 anyos nga lalaki, ang maong menor de edad dili taga Cagayan de Oro apan namatay human wala maka-agwata sa iyang operasyon sa utok.
Namatay usab ang usa ka 56 anyos nga babayeng dili taga Cagayan de Oro nga na-admit sa NMMC apan gitakboyan sa sakit nga pneumonia human wala maka-agwata sa iyang brain operation.
Hino-on matud ni Dr. Rocha nga kini nga pasyente, negatibo sa Corona Virus.
Patay usab ang usa ka 61 anyos nga babayeng taga barangay Carmen ning syudad tungod sa sakit nga acute respiratory failure, secondary to high risk community Acquired pneumonia.
Ang maong pasyenteng taga barangay Carmen ug nakit-an sa Department of Health nga positibo sa corona virus.
Gidugang ni Dr. Rocha nga ang kamatayon sa maong babaye tungod sa iyang kumplekasyon sa covid-19.
-o0o-
